ՀՀ վարչապետ Նիկոլ Փաշինյանը շնորհավորական ուղերձ է հղել Ավստրիայի Հանրապետության Դաշնային կանցլեր Բրիգիտտե Բիերլայնին՝ Ավստրիայի Ազգային տոնի կապակցությամբ:

Ուղերձում, մասնավորապես, ասված է.

«Ջերմորեն շնորհավորում եմ Ձեզ և Ավստրիայի բարեկամ ժողովրդին Ազգային տոնի կապակցությամբ:

Հայաստանը մեծապես արժևորում է փոխըմբռնման և բարեկամության ոգով զարգացող հայ-ավստրիական հարաբերությունները: Բարձր եմ գնահատում նաև Ձեր երկրի շարունակական աջակցությունը Հայաստանի կայուն զարգացմանը և ՀՀ-ԵՄ գործընկերության ընդլայնմանը:

Օգտվելով առիթից՝ ցանկանում եմ Ձեզ անսպառ ստեղծագործական էներգիա, իսկ ավստրիացի բարեկամ ժողովրդին՝ բարօրություն և խաղաղություն»: