Վարչապետ Նիկոլ Փաշինյանը շնորհավորական ուղերձ է հղել Ղրղզստանի Հանրապետության նորընտիր նախագահ Սադիր Ժապարովին: Ուղերձում նշված է.
«Հարգելի Սադիր Նուրգոժոևի,
Սրտանց շնորհավորում եմ Ձեզ Ղրղզստանի Հանրապետության նախագահի ընտրություններում տարած հաղթանակի կապակցությամբ:
Վստահ եմ, որ քվեարկության համոզիչ արդյունքները ամուր հիմք կծառայեն պետության ղեկավարի պաշտոնում Ձեր գործունեության համար՝ ուղղված Ղրղզստանի բարգավաճմանը և միջազգային ասպարեզում երկրի հեղինակության բարձրացմանը։
Պատրաստակամություն եմ հայտնում ավելի ընդլայնելու և ամրապնդելու հայ-ղրղզստանյան համագործակցությունը՝ ինչպես երկկողմ, այնպես էլ ՀԱՊԿ, ԵԱՏՄ և բազմակողմ մյուս միավորումների շրջանակում:
Մաղթում եմ Ձեզ, հարգելի Սադիր Նուրգոժոևի, քաջառողջություն և հաջողություն Ձեր բոլոր նախաձեռնություններում, իսկ Ղրղզստանի բարեկամ ժողովրդին՝ խաղաղություն և բարեկեցություն»: